گەرمیان.. ئەو شوێنەوارەی لە شاخی كوورە دۆزراوەتەوە مێژووەكەی بۆ هەزارەی چوارەمی پێش زایین دەگەڕێتەوە

سه‌ره‌تا مێژوو شوێنه‌وار كه‌له‌پوور كولتوور مه‌ڵتیمیدیا له‌باره‌ی ئێمه‌وه‌
x

گەرمیان.. ئەو شوێنەوارەی لە شاخی كوورە دۆزراوەتەوە مێژووەكەی بۆ هەزارەی چوارەمی پێش زایین دەگەڕێتەوە

"گۆزە و شتومەكی دیكەی كۆن دۆزراوەتەوە"

ماوەیەكە لە شاخێكی سنووری ئیدارەی گەرمیان، تیمێكی زانكۆیەكی بەریتانی، بە هاوبەشیی لەگەڵ بەڕێوەبەرایەتیی شوێنەوار و كەلەپووری گەرمیان، سەرقاڵی كنە و پشكنینی شوێنەوارێكن و تازە دەركەوتووە، كە ئەو شوێنەوارە بۆ هەزارەی چوارەمی پێش زایین دەگەڕێتەوە.

 لەمبارەیەوە، ساڵح محەمەد، بەڕێوبەری شوێنەوار و كەلەپووری گەرمیان، بە (باسنیوز)ی ڕاگەیاند، سێیەم وەرزی كنە و پشكنین لە شاخی كوورە كۆتایی هات، شاخی كوورە دەكەوێتە سنووری گوندی بانئاسیاوی سەر بە ناحیەی كۆكسی سەر بە قەزای كفری لە سنووری ئیدارەی گەرمیان، ئەوەی دەركەوت، كۆمەڵێك گۆزە و شتومەك بوون دۆزرانەوە، لەوە باشتر بوو كە ئێمە چاوەڕێمان دەكرد، گرنگ سەردەمەكەیە، كە زۆر كۆنە و لەم ناوچەیەدا شتی وا نەبووە و سەردەكەمەی یەگجار كۆنە.

 هاوكات بەڕێوەبەری شوێنەوار و كەلەپووری گەرمیان، ئاماژەی بۆ ئەوەش كرد: ”هەڵبەتە ئەو كاری كنە و پشكنینە لەلایەن تیمی زانكۆی گلاسكۆی بەریتانی، بە هاوبەشیی لەگەڵ بەڕێوەبەرایەتیی شوێنەوار و كەلەپووری گەرمیان دەكرێت و مێژووی ئەو گردەی شاخی كوورە دەگەڕێتەوە بۆ هەزارەی چوارەمی پێش زایین و هەر لە هەمان شوێن جارێ سێ وەرزی دیكە ماوە و گرێبەستەكەمان بۆ شەش ساڵە، كە كاری تێدا بكەین.“