ئەمڕۆ (شەممە)، هونەرمەند عەتا قەرەداغی لەکاتی کارکردن لەسەر چوار بەرهەمی نوێی، لە چەند پەیجێکی سۆشیاڵ میدیاوە هەواڵی مردنی خۆی پێدەگات.

له‌مبارەیه‌وه‌ عەتا قەرەداغی به‌(باسكورد)ی راگەیاند: ئەمڕۆ ، لە چه‌ند پەیجێكی  ساخته‌ نووسراوە، "هونەرمەند عەتا قەرەداغی بە جەڵتەی دڵ کۆچی دوایی کرد" له‌كاتێكدا، ئەمڕۆ لە هەموو رۆژێک تەندروستیم باشتر بوو.

راشیگەیاند: لەم مانگەدا رەنگە هەواڵی ناڕاستی مەرگی چه‌ند هونەرمەندێك بڵاو کرابێتەوە، کە دەبێت بەپێی یاسا رێگری له‌م دیارده‌ ناشیرینه‌ بکرێت.

لەبارەی بڵاوکردنەوەی بەرهەمی نوێیەکەی، هونەرمەند عەتا قەرەداغی راگەیاند: ئەمڕۆ لەگەڵ بڵاوبوونەوەی هەواڵی مردنەکەمدا، من کارم لەسەر چوار بەرهەمی نوێ دەکرد و سەرقاڵی ئەوە بووین دەنگ بخەینە سەر میوزیکەکان.

دەربارەی کاتی بڵاوکردنەوەی بەرهەمە نوێیەکانی  گوتی: هەر کاتێک كاری ته‌كنیك كۆتایهات، گۆرانییەکان له‌ڕێگەی به‌شی هونه‌ری  سایتی  (باسكورد) به‌هه‌وادارانم ڕاده‌گه‌ینم.

هونەرمەند عەتا قەرەداغی، لە ساڵی ١٩٧٣ لە سلێمانی لەدایکبووە و لە ساڵی ١٩٩٢ـەوە دەستی بەکاری هونەری کردووە لە ساڵی ٢٠٠٤ ئەلبوومی (سرووتی ئەوین) و لە ساڵی ٢٠٠٨ـیشدا ئەلبوومی (جوانە لەتۆ)ی بڵاوکردەوە.