ئەم قەڵایە یەکێکە لە گەورەترین شوێنەوارە مێژووییەکانی پارێزگای ئازەربایجانی ڕۆژهەڵات، کە دیواری قەڵاکە نزیکەی ٩٠٠ x ٦٠٠ مەتر دەبێت و بەرزییەکەی دەگاتە ٧ مەتر لە بەرزترین بەشدا، لە بەشی باشووریش گۆڕەپانی یاری هەیە، کە بە (قیبلە قەپووسی)، یان دەروازەی قیبلە ناسراوە. لە باکووری ڕۆژئاوای دیوارەکە چەند بۆشایییەک لە ناوەڕاستی دیوارەکەدا دیارە، کە دەتوانرێت بەراورد بکرێت بە دەروازەکانی چوونە ژوورەوەی پەرستگای ئازەرگەشسەب، کە ئەگەر وا گریمان بکرێت دەروازەیەکی دیکە لەم قەڵایەدا هەبێت.

 لەو لێکۆڵینەوانەی کراون، لە هەزارەی یەکەمی پێش زایین تا سەدەی نۆیەمی کۆچی، بڕێکی زۆر لە پارچە سیرامیکی جۆراوجۆری تێدا دۆزراوەتەوە، پارچەی سادەی تۆخ و خۆڵەمێشیی سووک لە هەزارەی یەکەم و پارچە چالاکەکانی ڕەنگی کرێم بە هێڵی سەوزی کاڵ لە سەدەی سێیەم و چوارەم، هەروەها پارچەی سادەی فیرۆزەیی، شین و سەوز بە هێڵی ڕەشی تۆخەوە، جگە لەوەش، سیرامیکی سادەی ڕەنگی سوور و کرێم، هەندێکجار بە هێڵی ناسک و جوان (پەیوەندیی بە سەردەمی ساسانییەکانەوە هەیە)، لە چەندین نموونەدا بە شێوەیەکی زۆر ناسک و شەفاف بینراوە.

 جگە لەمانە پارچەی شکاو و گۆزەی گەورە بە هێڵی شەپۆلاوی و پەیوەندییە دیارەکان لە سەردەمی ئەشکانییەکاندا بەدەست هاتووە. هەروەها پارچەی گەورە و بچووکی کۆستەرە و دەمی کۆستەرە بینراوە، ئەمەش ئاماژەیە بۆ پێشکەوتن و بڵاوبوونەوەی پیشەسازیی کانزا و وەرشەی ئەم ناوچەیە، زۆریی خشت و بەرد لەم ناوچەیەدا ئاماژەن بۆ بوونی پیشەسازیی بیناسازیی شارستانیی پێشکەوتوو لە سەردەمەکانی خۆیدا.

 بەپێی گوتەی پێشینان، لەیلان ئەم قەڵایە دەسپێرێت بۆ بەختەک، کە یەکێکە لە وەزیرەکانی پاشای ساسانیی ئەنوشیروان.