کاتژمێرە بەردینییەکەی هەرسین کە یەکێکە لە شوێنەوارە سەرنجڕاکێشەکانی شارۆچکەی هەرسین لە رۆژهەڵاتی کوردستان، پێکهاتووە لە حەوزێکی بەردیی تاک بەرد کە تیرەکەی ٣.٨٦ مەتر و قووڵیی ٦٦ سانتیمەترە، کە ئاوی سەرابەکە دەچێتە ناویەوە. لەناوەڕاستی ئەم گۆمەدا، گۆچکەیەکی بەرد هەیە کە بەرزییەکەی ٦٦ سانتیمەترە، بنەمایەکی دوو گۆشەیی و سەرەوەی بە ١٢ پێچاوپێچی هاوشێوەی گێڕ. شارەزایان پێیان وایە کە پێدەچێت ئەم پێکهاتە بۆ دابەشکردنی ئاوی ئەو چەمانەی کە لە سەرابەوە لقیان لێدێت، یان بۆ پێوانەکردنی کات لە ئێرانی کۆن بەکار هاتبێت.

 سەرەڕای لێکچوونەکانی لەگەڵ کاتژمێری خۆر، بەڵام هێشتا ئەرکی وردی ئەم بەردە مێژووییە بەتەواوی دیاری نەکراوە و بە یەکێک لە شوێنەوارە کۆنە نهێنییەکانی ناوچەکە ناسراوە.

 شارۆچکەی هەرسین لە پارێزگای کرماشان، بە سروشتی پاک و خاوێنی و ژمارەیەکی زۆر لە شوێنەوارە مێژووییەکانی، بە یەکێک لە شوێنە گەشتیارییە گرنگەکانی ڕۆژهەڵاتی کوردستان دادەنرێت.